અંજળ હતું
અંજળ હતું
1 min
12.9K
આંખ સામે ઝાંઝવાનું જળ હતું,
આપણું સગપણ નર્યું એક છળ હતું.
યારની યારી મહામુલી મિરાત,
બોલનારાનું કથન પોકળ હતું
એ મિલન સંભારણું એક થઈ ગયું
લાગણીનું જે ભીનું વાદળ હતું.
મેઘ દેખી આંખડી જેની ઠરી –
એ જ મૂરત શુભ અને મંગળ હતું
ક્રોધના ચહેરાની ભીતર જોયું તો,
ઊર્મિ ભરેલું વહેણ તો ખળખળ હતું!
કો અજાણ્યા ઘરને પોતીકું ગણી
આયખું ખોયું એ પણ અંજળ હતું
સાત ઘર ઠેકીને ઠીકરી દાવમાં
એક ઘર ભૂલ્યા એ શૂળ હરપળ હતું