ઈશ..પ્રેમ..
ઈશ..પ્રેમ..
1 min
7.0K
પ્રેમનો પત્ર આવતા ઈશ્વરના આજ ચરણ મળે..
વાંચવા જાઉં ને મારામાં જ સાવ અભણ મળે...
મૃગજળ પાછળ અચાનક દોડવા જાઉં ને હું
શોધતો મારીચ, ને સીતાનું ક્યાંક હરણ મળે...
રામ જેવો ભાઈ ક્યાં શોધીશ આખા વિશ્વમાં
બાંધવા એવી લકીરને કોઈ એ જ લક્ષ્મણ મળે...
શોધતો ભાગીરથીમાં ભાગ્યના વ્યવહારને..
પુણ્ય સાથે પાપ ધોવા કોઈ એક ઝરણ મળે...
કાલ કરવા કામ કહેતો હું ભલો જગતાતને..
આંખ ખૂલે ને તરત એ ઢોલિયે જ મરણ મળે.