Quotes New

Audio

Forum

Read

Contests


Write

Sign in
Wohoo!,
Dear user,
કહેવાય નહીં...
કહેવાય નહીં...
★★★★★

© Ramesh Parekh

Inspirational Classics

1 Minutes   80    2


Content Ranking

આ શ્હેર તમારા મનસૂબા ઉથલાવી દે, કહેવાય નહીં,

આ ચહેરા પર બીજો ચહેરો ચિપકાવી દે, કહેવાય નહીં.

આ સંકેતો, આ અફવાઓ, આ સંદર્ભો, આ ઘટનાઓ,

આખેઆખો નકશો ક્યારે બદલાવી દે, કહેવાય નહીં.

ઘરને ઘર કહીએ તો આ ઘર એક લૂનો ચોરસ દરિયો છે,

ભરતી છે : દરિયો શું શું ડુબાવી દે, કહેવાય નહીં.

સપનાંના છટકરસ્તે અહીંથી ભાગી નીકળે છે આંખો, પણ,

પાંપણનું ખૂલી પડવું, પાછી સપડાવી દે, કહેવાય નહીં.

દ્રશ્યો-દ્રશ્યો જંગલ-જંગલ ચશ્માં-ચશ્માં ધુમ્મસ-ધુમ્મસ,

રસ્તા-રસ્તા પગલું-પગલું ભટકાવી દે, કહેવાય નહીં.

ટાવર ધબકે, રસ્તા ધબકે, અરધો-પરધો માણસ ધબકે,

કોનો ધબકારો કોણ અહીં અટકાવી દે, કહેવાય નહીં.

સંકેત ઘાટનાઓ અફવાઓ ગઝલ શહેર ચહેરા

Rate the content


Originality
Flow
Language
Cover design

Comments

Post

Some text some message..