આપો છો તમે...
આપો છો તમે...
1 min
6.7K
આંખથી આ આંખને કૈ વાત આપો છો તમે,
ને તમારા શ્વાસની સોગાત આપો છો તમે.
એક તો ફરવા કહો છો, સૂર્યની પાસે રહી,
ને પછી ઝાકળ સમી સંગાત આપો છો તમે.
છું વરસતાં વાદળોનાં રેશમી કાપડ સમો,
વિજળીની જેમ ઝળહળ ભાત આપો છો તમે.
શાંત વાયુ જેવું હાસ્ય ચહેરા ઉપર લઈ,
અમને ભીતર કેમ ઝંઝાવાત આપો છો તમે?.
લાગણીને ગુણવાની રીત આવડતી નથી,
દર્દની ઊપર જ અઢળક ઘાત આપો છો તમે.
એટલે ચમકી શકું છું આભમાં, 'જ્હાનુ' હું પણ,
સૂર્યને ઢાંકી દઈને રાત આપો છો તમે.