ચાલ, ઉગીએ
ચાલ, ઉગીએ
કુંડાની કુખમાં કેમ રે જીવાય, ત્યાં રૂંધાઇ રૂંધાઈને મરીએ.
પણ કોઈના બીબામાં ન ઢળીએ,
ચાલ, ઉગીએ અવાવરા ફળીએ.
જીવતરના ઝુરાપે એક તો વધ્યાં છે જિંદગીના દિવસો કેટલા ?
એમાંથી કાઢવાના તારા ને મારા બસ,આંગળીના વેંઢલા જેટલા.
ક્ષણ એક સવા સો કરીને જીવીએ, સાંજ ઢળે ને ઢળી જઈએ.
ચાલ, ઉગીએ અવાવરા ફળીએ......
ભીતરથી ભાંગેલાનું ભભકા ઠઠારામાં આયખું ય આખું છે જાય.
મીઠું હોય તો ય મીઠું લાગે નહીં, પંખી જો પિંજરેથી ગાય.
ફૂલડાંની જેમ કોઈ સરવરના નીરમાં ડૂબી ડૂબીને જાયી તળિયે.
ચાલ, ઉગીએ અવાવરા ફળીએ......
કે'વાનું કેશે એ રોજ દિન ઉગેને, દુનિયાને ગરણું બંધાય ?
કુંડા પર આવીને બેસે નહીં કોઈ દિ' એ પંખી શું કરશે સંધાય ?
વગડાની માટીમાં મોતીડાં ખોળીને, શ્વાસ મહીં ચાલને પ્રોવીએ.
ચાલ,ઉગીએ અવાવરા ફળીએ....