ક્યારેક

આ ગઝલ લખતી હું પણ ફરિયાદમાં ક્યારેક તો,

કેમ ના આવ્યો ભલા વરસાદમાં ક્યારેક તો ?

સાંજ ઢળતી જાય છે ને રાહ હું જોયા કરું,

પાંપણો  છલકાય  છે ઉન્માદમાં  ક્યારેક તો.

મૌન રહીને થાય છે  પંખી ધણાં ઘાયલ સનમ,

પ્રેમની કર વાત તું સંવાદમાં ક્યારેક તો !

રાતભર જોયા  કરું શમણાં હું તારા એટલે,

આવ સામે, જોઇએ ના યાદમાં  ક્યારેક તો.

જિંદગીથી ખુશ છું તોયે સદા લાગ્યા કરે,

કો’ક ખેંચી જાય છે વિખવાદમાં ક્યારેક તો.