એકબીજાના થયા છે

તારા અને મારા વચ્ચે, હવે શબ્દો ક્યાં રહ્યા છે?
સમજ, સાચેજ હવે આપણે એકબીજાના થયા છે

ખોટા વાયદા, જુઠા વચનો આપણે ક્યાં કહ્યા છે?
જૂની ચોપડીઓ ખોલી, આપણે એકબીજાના થયા છે

કાલ્પનિક લાગણીઓ કાજે, આપણે ક્યાં વહ્યા છે?
સ્વીકારી સત્ય સમજપૂર્વક, એકબીજાના થયા છે

ફક્ત પરસ્પર, બાકી કે’તો કોને આપણે સહ્યા છે?
સુખે દુઃખે રહી ભેળા, આપણે એકબીજાના થયા છે

તારા અને મારા વચ્ચે, હવે શબ્દો ક્યાં રહ્યા છે?
સમજ, સાચેજ હવે આપણે એકબીજાના થયા છે