હરિ સ્મરણ તારું
હરિ સ્મરણ તારું
ભલભલા સંકટને ભૂલાવનારું હરિ સ્મરણ તારું,
પ્રાણ પ્રત્યેકમાં હોય એ પૂરનારું હરિ સ્મરણ તારું.
આવી પડે આપદા કદી કર્મફળ પ્રકાશતાં સંસારે,
શરણ તારું હરિ સૌને રક્ષનારું હરિ સ્મરણ તારું.
જગઆટપની ભૂલભૂલામણીમાં લક્ષ્ય ચૂકાતું,
તારી કૃપા દ્રષ્ટિ થકી સાચવનારું હરિ સ્મરણ તારું.
થાકેલા, હારેલાને વળી કંટાળેલા કર્મપ્રહારથી,
જીવમાં જીવનજળ સિંચનારું હરિ સ્મરણ તારું.