ક્યારેય
ક્યારેય
1 min
13.6K
ઉથાપી ન શક્યો આંખનો મલાજો ક્યારેય,
એટલેજ ન ઊઠ્યો શરમનો જનાજો ક્યારેય.
ફેલાતી રહી તૃષ્ણાઓ હ્ર્દયની અવિરત,
સમય તરફથી ન આવ્યો તકાજો ક્યારેય.
હતી વાત અમસ્તીય બે શબ્દોની આપ-લેની,
અમને ક્યાં નડ્યા કોઈ સમાજો ક્યારેય!
વસાવ્યું હતું અમીટ આંખોમાં મૃગજળ,
રેત પર ચાલ્યા છે ખરા જહાજો ક્યારેય!
ફરી વળ્યો ખૂણેખૂણો ઉપરવાળાનાં ધામનો,
અલગારી મંદિરે પઢી છે ક્યાં નમાજો ક્યારેય.