તારું નામ
તારું નામ
1 min
7.3K
જોઉં છું અહી રોજ પાનખર ગ્રીષ્મ મધ્યે
રોજ એ જ ડાળીના સૂકા પીળાં પાન
રસ્તે અધવચ્ચે મળે મને ને પૂછે
તારું નામ ---શોધે તને તારી આંખોમાં,
ચારે તરફથી ભીંસાયેલી હું,
કશું કહ્યા વિના નીકળી જાઉં છું;
તારા નામને અહીં ભીતરે અહીં ક્યાંક ઊંડે છુપાવી
એક પછી એક પીળાં પણ સામે આવી આવીને
પૂછે તારું નામ, મારા શ્વાસોની ભીતરે--
અટકી રહેલું તારું નામ--
અને તું...
અંગેઅંગના પ્રત્યેક રોમમાં વહેતું તારું નામ,
કેમ કરીને હું અહીં છુપાવું?
મારા શ્વાસોનું સરનામું એવું તારું નામ...