આ સફરની વેદના કોને કહું

આ સફરની વેદના કોને કહું,

શેષ છે સંવેદના કોને કહું,

ધન, સત્તા, વૈભવ બધું હોવા છતાં,

એ જ માં ની ઝંખના કોને કહું,

શ્વાસ છું ના નોંધ લેતું કોઈપણ,

રોજ ની અવહેલના કોને કહું,

સાવ એકાંકી ટહુકો ડાળનો,

વૃક્ષની વિડંબના કોને કહું,

રૂબરૂમાં એ અસંભવ હોય છે,

સ્વપ્નની સંભાવના કોને કહું,

લ્યો પુરી થઇ આ કિતાબે જીંદગી,

શેષ છે પ્રસ્તાવના કોને કહું,

વાત જયાં સંભવ નથી "જોગી"હવે,

માંહ્યલી આ યાચના કોને કહું.