ઈ તો મેહુલીયો
ઈ તો મેહુલીયો
1 min
7.1K
પહેલાં ફોરાંમાં ભીંજાણી
વાતુ વાયુમાં વિંજાણી
ઓલી વાદલડી હરખાણી
પ્રીત્યુ પ્રિતમની પરખાણી
ઈ તો મેહુલીયો... આ તો મેહુલીયો...
કાંઠે કાંઠે વહેતી વહેતી
નજરું બાંધી અમે સમેટી
ઝબકી વિજળી પણ શરમાણી
ઊઁચે આભે જઈ પથરાણી
ઈ તો મેહુલીયો... આ તો મેહુલીયો...
ચમકે પાલવનો ચમકારો
ઘમકે ઘરીનો ઘમકારો
મનમાં મોતીડે રંગાણી
અડધી રાતે ઈ સમજાણી
ઈ તો મેહુલીયો... આ તો મેહુલીયો...
સૂરજ ઉગ્યો આજે વહેલો
આવ્યો તેજ લિસોટો પહેલો
અડધી રાતે હું મુંજાણી
વેણું નાદે હું બંધાણી
ઈ તો મેહુલીયો... આ તો મેહુલીયો...