ઘડિયાળ -એક જોગર્સ પાર્ક
ઘડિયાળ -એક જોગર્સ પાર્ક
ઘડિયાળને જોઈને મુજમનમાં
અમુક અતરંગી વિચાર આવે છે
ઘડિયાળનું ગોળ ડાયલ જાણે
ગોળાકાર જોગર્સ પાર્ક લાગે છે
સેકંડ, મિનિટ, કલાકના કાંટા
જાણે સહું ફેરા ફરતા જાય
6-6 અંશે આગળ ખસીને
દર ફેરે 60 ડગલાં ભરતા જાય
દર 5-5 ડગલે એક અંકને મળીને
કુલ 12 અંકોને એ મળતા જાય
સેકંડનો કાંટો ઝડપથી ચાલે
એથી એ પાતળો-લાંબો લાગે
મિનીટનો કાંટો સહેજ ધીમો ચાલે
એટલે જ એ કદમાં મધ્યમ લાગે
કલાકનો કાંટો સૌથી ધીમો ચાલે
એથી એ ઠીંગણો અને જાડો લાગે!