વહુનું શું ?
વહુનું શું ?
ચાર દીવાલ ને પાંચમી હું,
મૂક સાક્ષી હર ક્ષણનાં, હવે વધુ કહેવું શું ?
પારકાંને પોતીકાં કરી જીવવાનું
સામે આ અપેક્ષા ન રખાય; શું ?
અનુરૂપ સૌને થઈને જીવવાનું
તો સ્વમાન નેવે મૂકવાનું શું ?
ઉર- ઉમંગ ને આશાઓ ગઈ ઓગળી !
પાંખો ફફડાવીનેય હવે ક્યાં ઊડશું ?
ટીપાઈ-ટીપાઈને લાગણીઓ થઈ પથ્થર !
અશ્રુધોધ ગયો સૂકાઈ ! હવે ખાળશો શું ?
અંત:મને ઝૂરાપો કેટલો
રાખ પણ હવે દેખા દેશે કે શું ! ?
દીકરો અતી સવાયો ને દીકરી-જમાઈ અણમોલ !
ઘર-પરિવાર સાચવનારી વહુનું શું ?