નભ.
નભ.
1 min
13.5K
પિતાની છત્રછાયા સમ સૃષ્ટિમાં શોભતું નભ.
દિવસરાત અવનીને સદાકાળ એ ઢાંકતું નભ.
ચાંદો સૂરજ એનાં નેત્રો સમ ચમકનારા કેવા !
તારલિયાની જમાતે નિશાસંગ એ ઓપતું નભ.
પ્રભાતે રવિકિરણો સંગાથે જગને જગાડનારું,
વાદળ સહારે વર્ષાૠતુ ટાણે એ વરસતું નભ.
વર્ષાવિદાયે સૂરપ્રકાશે ઇન્દ્રધનુના સપ્તરંગથી,
ધરાને રીઝવવા રખેને સાજને એ સજતું નભ.
ગ્રીષ્મકાળે થૈ નિરભ્ર જાણે એકલવાયું ભાસે,
સીધાં કિરણો ભાસ્કરનાં ધરાને એ ધરતું નભ.
કડકડતી ઠંડી શિયાળે ના કોઈ નભ નિરખતું,
રજનીરાણીની સંગાથે શકેને ચમન કરતું નભ.
ગ્રહણવેળા શશીસૂર્યની વ્યોમ મધ્યે સરજાતી,
થૈ અણોહરું એકલપંડે ભયંકર એ ભાસતું નભ.