રાતને આકાર દે.
રાતને આકાર દે.
ખ્વાબ ધુંટી રાતને આકાર દે.
આવ શ્વાસે'ને પછી સ્વીકાર દે.
કર જણાવીને મને એ ફેંસલો,
ને તમાશાને હજી અધિકાર દે.
આંજ આંખે લે હવે ઉજાગરો,
પ્રણય દરવાજે રહી તુંકાર દે.
ધૂન છેડી એકતારે હૃદયમાં,
એ ખનકતો ટેરવે રણકાર દે.
રે કસર જો પામવામાં,દે લડી,
કેમ તું એવો મને ફિટકાર દે?
બોલ તીખું ને પછી હાથે કરી,
જીભ પર મારી મને સિસકાર દે.
લાવ મારા ભાગની "ખુશી" કદી,
હાસ્યને મુજમાં ભરી ગણકાર દે.