આ દેશ ક્યાં આઝાદ છે ?

જનતા અહીં પળવળ મરે આ દેશ ક્યાં આઝાદ છે ?

સૌ ધર્મને નામે ચરે આ દેશ ક્યાં આઝાદ છે ?

બાળક સતત જ્યાં ટળવળે છે રોટલીનાં ટૂકડે

નેતા બધાં ખીસ્સા ભરે આ દેશ ક્યાં આઝાદ છે ?

સસ્તી છે ઈજ્જત મા બહેનોની અહીં કોડીથી પણ

એ રાતમાં ફરતા ડરે આ દેશ ક્યાં આઝાદ છે ?

સરકાર આ કેવી છે?ઓફીસર તો રખડી ખાય છે

ફાઈલના થોથા કરે આ દેશ ક્યાં આઝાદ છે ?

ઝૂપડપટીની ના શરમ છે, ના ગરીબીની પડી

નેતા તિજોરી બસ ભરે આ દેશ ક્યાં આઝાદ છે ?

ગાંધી,જવાહર કે ભગતસિંહની શહાદતનું શું થયું ?

"સપના" વિદેશે તું ફરે આ દેશ ક્યાં આઝાદ છે ?