....તો સાગરની ભાષા બોલે
....તો સાગરની ભાષા બોલે
સ્પર્શ જ્યાં દરિયાનો થયો ત્યાં તો સાગરની ભાષા બોલે..
પીડા વ્યથા દુઃખ દર્દ ભૂલી મોતી ને છીપલાં તોલે..
ક્ષણિક જીવતરમાં મોજા સંગ સદી જેવું જીવશું,
ફીણ ફીણ થઈ ને આયખું ઉમંગે ઉજવશું.
મૌનના ખડકેથી લાગણીઓ ઘૂઘવે,
તો સાગરની ભાષા બોલે.
હોઠોના કાંઠે સ્મિતના વહાણ વહે..
શઢના કાનમાં મસ્તીખોર પવન તારી વાત કહે..
ભીના ભરચક મંદ વાયરાઓ ઓઢીને મનોહર મન ડોલે..
તો સાગરની ભાષા બોલે..