Quotes New

Audio

Forum

Read

Contests

Language


Write

Sign in
Wohoo!,
Dear user,
પ્રવાહોમાં ભળી જાવું
પ્રવાહોમાં ભળી જાવું
★★★★★

© Mahebub Sonaliya

Thriller Tragedy

1 Minutes   10.6K    7


Content Ranking

પ્રવાહોમાં ભળી જાવું મને કેવી રીતે ફાવે?

હઠીલા આદમીને તુજ કે' ને કોણ સમજાવે?


દિવસભર રાહ જોઇ ઓટલે બેસી રહે છે માં,

ને ઘરડાઘર નો કાગળ લૈ ને સાંજે છોકરો આવે,


લખાયો ક્યાં હતો અંધાર કાયમ ભાગ્યમાં તો પણ,

ગરીબી આંધળીનો દીવડો છે કોણ પ્રગટાવે,


ગઝલ, મુક્તક, રુબાઇ, હાઈકુ, સોનેટ હો કે પદ,

ઢળીને કોઇ પણ ઢાંચામાં કેવળ લાગણી આવે,


હું પાગલ કયાં હતો કે રાતભર જાગ્યા કરું છું પણ,

ફકીરી રાતરાણી છે, દિવસને કેમ મહેકાવે?


સમજદારી ઉપર શંકા કરું છું એટલા માટે,

ભણી બે ચોપડી માબાપને સંતાન સમજાવે!


તરસની એ ચરમસીમાએ હું 'મહેબુબ' પહોચ્યો છું,

હવે તો ગટગટાવું છું હળાહળ પણ ભલે આવે.

#mother #son #love #hate

Rate the content


Originality
Flow
Language
Cover design

Comments

Post

Some text some message..