ભાવ નો ભૂખ્યો
ભાવ નો ભૂખ્યો
1 min
14K
જેને ઇશ્વરે આજે માણસ બનાવ્યો,
તેણે ઇશ્વરને જ પછી કેદ કર્યો.
પોતાને અનુકુળ એવો અર્થ કરીને,
ધર્મના મુળભૂત અર્થને જ બદલ્યો.
ધર્મના જુદા જુદા વાડા રચીને,
ધર્મને નામે અંદરોઅંદર ઝઘડ્યો.
મનવાંછિત સઘળા ભોગો ભોગવવા,
વેદ ઉપનિષદની સારી આજ્ઞાઓ ભૂલ્યો.
મંદિરને જ એણે બનાવ્યું માર્કેટ,
ને ઇશ્વરને લાંચ રૂપી પ્રસાદ ધર્યો.
છે જેની પાસે જગ આખાનો ખજાનો,
તેને ભીખારીની જેમ જ ઊભો રાખ્યો.
સુખ મેળવવા લાઇનમાં ઊભેલા લોકોએ,
માગી માગીને એને થકવી નાખ્યો.
જોઇએ ના કોઇ પાસેથી તેને 'જશ',
છે માત્ર એ કેવળ ભાવ નો ભૂખ્યો.