રામરતન
રામરતન
1 min
13.4K
મારે રામરતન અઢળક નાણું,
સદા સર્વસ્વ એને બસ જાણું.
ભવોભવની રહી છે મારી પૂંજી,
રોમેરોમમાં રામનામ રહેતું ગૂંજી,
હરિવર હો મારે શાશ્વત ઠેકાણું ,
મારે રામરતન અઢળક નાણું.
એ રતન દશેદિશામાં પ્રકાશતું,
પરમ લક્ષ્ય એમાં મને ભાસતું,
હરિનામનો આહાર પિછાણું,
મારે રામરતન અઢળક નાણું.
'રામાશ્રય' એજ મારી સંપદા,
જેમાં કદીએ ન આવે વિપદા.
નામસ્મરણનું અદભુત ટાણું,
મારે રામરતન અઢળક નાણું.