શું ખબર?

હાલત મારી તને શું ખબર

ક્યારેક તો લે તું મારી ખબર...

 

જીવ્યો તારી યાદમાં હું અને આજે પણ જીવું છું

તરસ્યો તારી વાટ જોતા હરદમ હું આંસુ પીવું છું,

 

રેવાતું નથી તારા વગર,

હાલત મારી તને શું ખબર, ક્યારેક તો લે તું મારી ખબર...

 

હજુ સ્વપ્ન મને તારા આવે આવી મારુ મન હરખાવે

તારી યાદો તારી વાતો યાદ કરી મને આનંદ આવે,

 

વસમી થઈ છે મારી સફર,

હાલત મારી તને શું ખબર , ક્યારેક તો લે તું મારી ખબર...

 

ઘાયલ થયેલું આ મન મારુ નામ રાતે બસ તારું જ તારું ,

તું મળે જો આ જીવનમાં થાય બધુ સારું જ સારું,

 

પણ તને નથી મારી કદર,

હાલત મારી તને શું ખબર , ક્યારેક તો લે તું મારી ખબર...