આગમનનું શમણું
આગમનનું શમણું
કકળાટ કરતું હતુ જાણે હોય એક 'કાગ મન'.
લાય બળતું હતું જાણે હોય એક 'આગ મન'.
મન શાંત થયું જ્યારે થયું તમારું 'આગમન'.
મધુવંતી નામનો ગાઈ રહ્યું છે આજે 'રાગ મન'.
પ્રેમના એ સુંદર રાગ વિના છે 'બેરાગ મન'.
ઘણું સંગીતમય બન્યું છે તમારું 'આગમન'.
આતુર છે કરવા પ્રેમના અમૃતનું 'આચમન'.
ઝુમી રહ્યું આજે મોર બનીને મારું 'આ જ મન'.
ખુબ અહલાદક છે તમારુ 'આગમન'.
ગર્જી રહ્યું હતું જાણે હોય એક 'વાઘ મન'.
મહેકી રહ્યું છે આજે જાણે એક 'બાગ મન'.
મન મહેકાવી રહ્યું છે તમારુ 'આગમન'.
શમણાંમાંથી હવે જલ્દીથી તું 'જાગ મન'.
મોડું થઈ ગયું હવે જલ્દીથી તું 'ભાગ મન'.
કોણ જ્યારે ક્યારે થશે એમનું 'આગમન'?