Quotes New

Audio

Forum

Read

Contests


Write

Sign in
Wohoo!,
Dear user,
લાલ રંગ
લાલ રંગ
★★★★★

© Swati Silhar

Abstract

1 Minutes   13.8K    5


Content Ranking

હું સ્ત્રી...
લાલ રંગ મારા જીવનની ખૂબ નજીક રહેલો...
હું જેમાં જન્મી એ આવરણનો રંગ લાલ...
પહેલીવાર મમ્મીએ નાની પગલી પડાવેલી,
એ કંકુનો રંગ લાલ...


બાળપણમાં દુલ્હન બનવાના સપના જોતા,
પહેરેલા મમ્મીના ઘરચોળાનો રંગ લાલ...
હું યુવાન થઈ ગઈ છું,
એ વાતની મને જાણ કરનાર રંગ લાલ...
તારી સાથે થયેલ જીવનના પહેલાજ એ પ્રેમનો રંગ લાલ...

નવી જિંદગીની શરૂઆત કરી,
ત્યારે પેહરેલા પાનેતરનો રંગ લાલ...
જિંદગી મારી કરી તારા નામે,
ત્યારે મારી સેંથીમાં તે પૂરેલ એ સિંદુરનો રંગ લાલ...

ક્યારેક તારા પ્રેમના આવેશમાં,
મારા શરીર પર પડેલા એ ચાઠાનો રંગ લાલ...
તારા ક્રોધના ઉજરડા,
મારા ગાલ ને શરીર પર ઉપસી આવે છે...
એ ઉજરડાનો રંગ લાલ...

મારી કીકીની પાછળ એક ચોર ખિસ્સું રાખ્યું છે મે,
ખારા પાણીને સંતાડી રાખું છું...
અરીસામાં જોતાંજ... હદય વલોવાય...
ને ખિસ્સું ફાડીને ગરમ પાણી મારા ગાલ પરથી સરકે...
ત્યારે થતી મારી આંખનો રંગ લાલ...
ને ત્યારબાદ મને ક્યારેય લાલ રંગ જોવો ગમ્યો નથી...  

lady's life કવિતા અછાંદસ

Rate the content


Originality
Flow
Language
Cover design

Comments

Post

Some text some message..