Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Ramesh Parekh

Inspirational Classics

0  

Ramesh Parekh

Inspirational Classics

કાચમાં રહે છે પારદર્શકતા

કાચમાં રહે છે પારદર્શકતા

1 min
257


કાચમાં રહે છે પારદર્શકતા,

એમ તમે મારામાં આરપાર રહેતાં…

ફૂટી ગયેલા આરપારતાને વળગીને,

તાકતી સપાટીઓ તો અંધ,

દાળમાંથી પાન જેમ ઉગી નીકળે છે,

એમ આપણને ઉગ્યો સબંધ…

પાનને લીલાશ બેઉ વચ્ચેની દુરતામાં,

જોજનનાં પૂર હવે વેહતાં,

તમે મારામાં આરપાર રહેતાં…

આખાયે પૂરને હું બે કાંઠે ઘુઘવતી,

ઘૂમરીની જેમ રે વલોવું,

ઘૂમ્યા કરે છે એકધારી ભીનાશ,

મને લાગતું ન ક્યાંક મારું હોવું…

હોવા વિનાની કોઈ શક્યતામાં ઓગળીને,

જળનો આકાર તમે લેતાં,

તમે મારામાં આરપાર રહેતાં…


Rate this content
Log in