દરિયાના તોફાન
દરિયાના તોફાન
1 min
1.4K
પવન પકડશે કાન...
દરિયા, તારો પવન પકડશે કાન !
હમણાં-હમણાં વધી ગયા છે ,
બહુ તારા તોફાન !
તેથી પવન પકડશે કાન....
હૂ હૂ કરતાં મોજાં કેવાં
ધડામધડ્ પછડાય...
કોને દેખી આમ ફૂંફાડા-
મારે? ના સમજાય...
એબીસીડી બોલે કે-
તું કાવ્ય મજાનું ગાય?
ફીણ ઉડાડી ભાગે;
કેવું ચડતું તન્ને તાન !
તેથી પવન પકડશે કાન...
કેટકેટલી નદીઓ પીને
જાડો-પાડો થાય !
તોય કિનારે ધસમસતો
આવીને રેતી ખાય !
ઘડીકમાં તું નાની એવી
કોડીમાં સંતાય !
ખારો-ખારો આમ છતાંયે
બધેય તારા માન !