સંકટ જ સહારો...
સંકટ જ સહારો...
1 min
253
ચાલે ન જીવન હવે વિપતો વિના રે,
મુસીબતો થઈ હવે સઘળી સબંધી,
એની જ સાથ મુજ રાત-પ્રભાત થાતી,
એનાં વિના ન પળ એકેય જાય મારી.
તોફાન છે હદયમાં મુજ બંધ ઝાઝાં,
ને છે બહારય પ્રહાર થતાં ઇ ઝાઝાં,
એથી ઘડાય હું ગયો છું ડગીશ ના ના,
તૂટી ભલેય પડતાં શિર વાદળાં આ.
છે ઈશ્વરીય ઈ કૃપા મુજ જીવને રે,
માની હું એમ હસતો સહતો સદાયે,
ને લોક આ જગતનાં ઈ વિચારતા કે,
રે કેમ આ દુખ વિના પણ જીવતો રે ?
એ જાણતાં ન મુજ જીવનની વ્યથાને,
ઓછી નથી વિપત 'અર્જુન' જીવને રે,
છે એ જ સાથ સથવાર સદાય મારો,
છે એ જ સાર મુજ જીવનની કથાનો.