મીણનું નગર
મીણનું નગર
સાવ સૂમસાવ આ ડગર છે બોલ,
આટલામાં જ એનું ઘર છે બોલ.
રક્તમાં કેવી છે આ ઉષ્ણ ગતિ,
શ્વાસમાં શાની ચડઉતર છે બોલ.
હોંઠ પર તારા પુષ્પ મ્હેંકે છે,
મારી આંખોમાં પાનખર છે બોલ.
આમ પળવારમાં પહોંચી જાઉં,
આમ સદીઓની આ સફર છે બોલ.
એક જાદુ છે એની આંખોમાં,
મારી ગઝલોમાં પણ અસર છે બોલ.
ઓગળી જાય છે સંબંધો પણ,
આ નગર, મીણનું નગર છે બોલ.
એકલો હું જ કંઈ નથી વ્યાકુળ,
આંખ એનીય તરબતર છે બોલ.
બોલવામાં ન કર વિલંબ હનીફ,
બોલ આ આખરી પ્રહાર છે બોલ.