Quotes New

Audio

Forum

Read

Contests


Write

Sign in
Wohoo!,
Dear user,
માધવ ક્યાંય નથી મધુવનમાં..
માધવ ક્યાંય નથી મધુવનમાં..
★★★★★

© Mayur Bhatt

Others Inspirational Classics

2 Minutes   14.4K    5


Content Ranking

ફૂલ કહે ભમરાને, ભમરો વાત વહે ગુંજનમાં :

માધવ ક્યાંય નથી મધુવનમાં.

કાલિંદીના જળ પર ઝૂકી

પૂછે કદંબડાળી,

યાદ તને બેસી અહીં વેણુ

વાતા’તા વનમાળી ?

લહર વમળને કહે, વમળ એ વાત સ્મરે સ્પંદનમાં :

માધવ ક્યાંય નથી મધુવનમાં.

કોઈ ન માગે દાણ

કોઈની આણ ન વાટે ફરતી,

હવે કોઈ લજ્જાથી હસતાં

રાવ કદી ક્યાં કરતી !

નંદ કહે જશુમતીને, માતા લાલ ઝરે લોચનમાં :

માધવ ક્યાંય નથી મધુવનમાં.

શિર પર ગોરસમટુકી

મારી વાટ ન કેમે ખૂટી,

અબ લગ કંકર એક ન લાગ્યો,

ગયા ભાગ્ય મુજ ફૂટી ;

કાજળ કહે આંખોને, આંખો વાત વહે અંસુઅનમાં :

માધવ ક્યાંય નથી મધુવનમાં

કવિતા ફૂલ માધવ

Rate the content


Originality
Flow
Language
Cover design

Comments

Post

Some text some message..