એક વૃદ્ધની ગઝલ
એક વૃદ્ધની ગઝલ
1 min
2.9K
જેને હક સંપૂર્ણ બસ આરામ કરવાનો હતો,
એમનાં પર શ્રાપ કાયમ કામ કરવાનો હતો.
જીંદગીભર એટલે ગુમનામ થઈને રહી ગયો,
બાપને લાગ્યું 'તુ દિકરો નામ કરવાનો હતો.
આ જરૂરત કોઈને બુઢ્ઢો થવા દેતી નથી,
એટલો ઉપકાર કાયમ કામ કરવાનો હતો.
એક પળ પણ થાકવું પોસાય એને કઇ રીતે ?
જાત સાથે જેમને સંગ્રામ કરવાનો હતો.
આંચકી લીધી ભલે 'મહેબૂબ' મારી જીંદગી,
હું અમસ્તો એય તારા નામ કરવાનો હતો.