ન શક્યા

તમે દિલ ખોલી ન શક્યા 
અમે કશું બોલી ન શક્યા 

હતી તો સાવ હળવીફૂલ 
જાણે ખિલેલ તાજુ ફૂલ 
લાગણીઓને તોલી ન શક્યા 
તમે દિલને ખોલી ન શક્યા 

ન હતો તમારો કોઈ વાંક 
પણ અમે જ હતા રાંક 
એટલે અહમને છોલી ન શક્યા 
તમે દિલને ખોલી ન શક્યા 

જીંદગીનું નામ છે ગીત 
નિપજે રોજ નવું સંગીત 
સુરતાલ પર ડોલી ન શક્યા 
તમે દિલને ખોલી ન શક્યા 

ઘૂઘવતો સાગર હતો નયનમાં 
નાનકડી ગાગર હતી હાથમાં 
આંસુને 'જશ' ઝીલી ન શક્યા 
તમે દિલને ખોલી ન શક્યા