Quotes New

Audio

Forum

Read

Contests


Write

Sign in
Wohoo!,
Dear user,
ગોરી તારે ત્રાજૂડે
ગોરી તારે ત્રાજૂડે
★★★★★

© Narshih Maheta

Classics

1 Minutes   147    7


Content Ranking

ગોરી તારે ત્રાજૂડે રે, મોહ્યા મોહ્યા મુનિવર રાયા રે;

રૂપ સ્વરૂપ કળ્યું નવ જાયે, કોઈ દીસે છે ઈશ્વરી માયા રે. ...૧

રુમઝુમ રુમઝુમ નેપૂર વાજે, ગોફણે ઘૂઘરી ઘમકે રે;

શીશ દામણી એણી પેર સોહે, જેમ ગગન વીજળી ચમકે રે. ...૨

નિલવટ આડ કરી કેસરની, માંહે મૃગમદની ટીલી રે;

આંખલડી જાણે પાંખલડી, હીડે લીલાએ લાડગહેલી રે. ...૩

આ કંચવો તમે ક્યાં સિવડાવ્યો, શણગટ વાળ્યો શું ધારી રે ?

આ વેણી તમે ક્યાં રે ગૂંથાવી જેણે મોહી વ્રજની નારી રે ? ...૪

ચંચળ દૃષ્ટિ ચહુદિશ નિહાળે, માંહે મદનનો ચાળો રે;

નરસૈંયાનો સ્વામી જોવા સરખો, કોઈ એ સુંદરીનું વદન નિહાળો રે. ...૫

ગોરી નેપુર કેસર આંખલડી નરસિંહ મહેતા old classic

Rate the content


Originality
Flow
Language
Cover design

Comments

Post

Some text some message..