યાદ
યાદ
1 min
541
વૈશાખી વાયરાની જેમ દઝાડે તારી યાદ,
ક્યારેક મીઠી સરગમ જગાડે તારી યાદ,
વીતેલી ક્ષણોને દિલના ખૂણે સાચવી છે મેં,
કોયલના નાદે તન-મનમાં આગ લગાડે તારી યાદ,
ધોમધખતી આ ધરાય થઇ છે હવે વ્યાકુળ,
અમી છાંટણામાંય હવે રંજાડે તારી યાદ,
વાલમ કેરી જુદાઈમાં મન થયું છે વરણાગી,
હૈયામાં જાણે ઢોલ-નગરા વગાડે તારી યાદ,
ટોળામાંય હવે જાણે લાગે એકલડી જાત,
સ્વજનોથીય જોને હવે દૂર ભગાડે તારી યાદ.