તો એ જ સહારો કાફી છે
તો એ જ સહારો કાફી છે
આ સથવારો તારો છે તો એ જ સહારો કાફી છે,
તારો નિત વરતારો છે તો એ જ સહારો કાફી છે.
પગલું માંડુ એક તો સઘળા લોક પૂછે છે ક્યાં તું ચાલી !
કિંયા જાય છે, કિંયા વા'ય છે, પવન ડાળખી કોને ઝાલી ?
તેજાબી આ પવનઝકોરે સપનામાં હું કોને વ્હાલી ?
લીલોતરીના મંડપ હેઠે હાથ ગ્રહયો ને ફૂલી - ફાલી,
લીલો છમ્મ સધિયારો છે તો એ જ મને તો કાફી છે!
આ સથવારો તારો છે તો...
આમ તો જીવન દરિયા જેવું તોય કિનારે વહેવું વહેવું,
પળમાં વાંકી પળમાં સીધી નાનકડી આ નાવનું કહેવું.
હસી - ખુશીના નીલગગનમાં જીવન તારકમંડલ જેવું,
ખોબે - ખોબે વહાલ ભરી દે મારા મુખથી એ જ કહેવું.
'તું હું તું' ઉચ્ચારો છે તો એ જ સહારો કાફી છે.
આ સથવારો તારો છે તો...