વરસાદ પડશે
વરસાદ પડશે
1 min
14.1K
ઊભરાતી હોય કીડીઓ અઢળક ઈંડાં લઈ,
એ સમય ગરમી ઘણી, મે આપનારી હોય છે.
કાટકાને વીજ, કાળી વાદળી જો હોય તો,
વાદળી વરસાદને વરસાવનારી હોય છે.
ઉત્તરથી ને દક્ષિણથી આવે ચડી જો વાદળી,
મેઘ મીઠો ખાસ એ ઊતારનારી હોય છે.
વાદળાં ઘનઘોર હો ઉકળાટ ચારે કોર હો,
એ ઘડી વરસાદ પાછી લાવનારી હોય છે.
સાંજ ખીલે પૂરબ્હારે એ સમયમાં ચેતજો,
સાંજ એ વરસાદ સાચે પાડનારી હોય છે.
ચાંદ ફરતે જેટલું યે જળ કૂંડાળું થાય છે,
એ પછી વરસાદ માટેની સવારી હોય છે.
નીચે ફરતાં વાદળાં ધીમે રહીને ચાલતાં,
તો અહીંયા ક્યાંક પણ વર્ષા થનારી હોય છે.