સંવેદનાનું લીંપણ
સંવેદનાનું લીંપણ
આ કાગળ ઉપર દિલની સંવેદનાઓનું લીંપણ છે
ને શબ્દોમાં સંગ્રહાયેલ ભાવનું ભવ્ય ભાતીગળ છે
તમે શબ્દોના સહારે શૂન્યમાં કરી શકો જો પ્રવેશ
તો બે શબ્દો વચ્ચે જ ભવ્યતાનું ભરત ગૂંથણ છે
હૃદયની ધરતી ઉપર આંખોના પાણીનું આ સિંચન
લાગણીઓની જુવો ફૂટી આ કેવી મજાની કુંપળ છે
ક્યારો હજી પણ ક્યાં સુકાયો છે જરાક સ્પર્શ તો કરો
તમારા પ્રત્યેના ભાવથી હજીયે આ નેત્રો સજળ છે
તમારી હયાતી ક્યાં નથી નાથ મારા એ પ્રતિતીથી
અમથું આનંદનું આંખમાંથી ઉભરાયેલું આ ઝરણ છે
ભવની ભટકન ખેંચી લાવી અચાનક તુજ ચરણોમાં
અસ્તિત્વના ઓજસમાં હર પલ હવે તારું જ શરણ છે
આ અનુભૂતિ ને આ "પરમ" ક્ષણ હવે કેવી સરસ છે
હવે ડર ક્યાં છે? જ્યાં મુજ "પાગલ"ને તારું ગ્રહણ છે