આ રીતે
આ રીતે
1 min
14.4K
નશા જેવું જ લાગે છે રહેવું તંગ આ રીતે,
મને કરતો રહું છું એટલે હું દંગ આ રીતે.
કશું બોલ્યા વિના,આપી દીધું છે સ્મિત આછેરું,
જગતની માનસિકતા પર કર્યો મેં વ્યંગ આ રીતે.
ને એના ભાગનું શમણું'ય મારે ભાગ આવ્યું છે,
ફળે છે દૂરતાનો પણ કોઈને સંગ આ રીતે.
અલગ થઈને કિનારો ના કર્યો એના પરિણામે,
પરસ્પર એક બીજામાં ભળ્યા છે રંગ આ રીતે.
કમર ભાંગી પડ્યાના દર્દથી પોઢી ગઈ છેવટ,
ખડે પગ એક ઈચ્છાનું થયું તપભંગ આ રીતે.