નખરાં ન કર
નખરાં ન કર
પ્રેમમાં ખોટાં હવે પરદા ન કર,
શ્વસને તું શ્વાસથી અળગા ન કર.
શ્વાસ જેવું હોય તો જીવી જજે,
જીવવા માટે કદી વલખાં ન કર.
જાત તારી જાળવીને ચાલજે,
જાત માટે રણ તણાં વગડાં ન કર.
સત્ય જેવી આબરૂ મળશે નહીં,
ઢાંકવા ખોટું બધે પરદા ન કર.
ધર્મ જાતો ભૂલતો જા પ્રેમ કર,
પ્રેમ સાચો રોકવા પાળા ન કર.
ભાવ ઢૂંઢાંના મળે છે વાયરે,
ભાવ ઊંચા દેખતાં નખરાં ન કર.
જિંદગીને જીવતાં ના આવડે,
સાવ ખોટાં તુંય ઊધામા ન કર.