જાણી લઈએ
જાણી લઈએ
ચાલ હવે પરસ્પરને જાણી લઈએ
જીવનની હર પળને માણી લઈએ
કેવું મર્માળું હસે છે આ તારલાઓ
રમે છે સંતાકૂકડી ચંન્દ્ર સાથે વાદળો
ઝૂમતી આ ચાંદનીને તાણી લઈએ
ચાલ હવે પરસ્પરને જાણી લઈએ
કિસ્મતમાં હોય તે જ પત્તા મળે છે
જીંદગી રમતનું બીજુ નામ જ છે
આજે તો આપણે સરની રાણી લઈએ
ચાલ હવે પરસ્પરને જાણી લઈએ
તડકા અને છાંયડા તો આવવાના
ગમતું ને અણગમતું પણ લાવવાના
આ સુખ દુ:ખને પણ છાણી લઇએ
ચાલ હવે પરસ્પરને જાણી લઇએ
મન જ મોટું હથિયાર છે 'જશ'
સ્વચ્છ રાખવા એને રોજ ઘસ
જીવનમાં નવી વાતો વણી લઈએ
ચાલ હવે પરસ્પરને જાણી લઈએ
ચાલ હવે પરસ્પરને જાણી લઈએ
જીવનની હર પળને માણી લઈએ