Quotes New

Audio

Forum

Read

Contests


Write

Sign in
Wohoo!,
Dear user,
તમે એ જાણતા ન્હોતા?!
તમે એ જાણતા ન્હોતા?!
★★★★★

© Himal Pandya

Others

1 Minutes   13.7K    2


Content Ranking

તમે પાયાના પથ્થર છો, તમે એ જાણતા ન્હોતા?!
દટાવાના જ અંદર છો, તમે એ જાણતા ન્હોતા?! 

હતો ત્યારે હતો પારસમણિ શો સ્પર્શ, પણ અંતે;
થવાના સાવ પડતર છો, તમે એ જાણતા ન્હોતા?!

લ્યો આવ્યો, ઉજવાયો ધૂમથી, પાછળથી વિસરાયો!
તમે એવા જ અવસર છો, તમે એ જાણતા ન્હોતા?!

હશે, પીધા હશે કૈ ઝેર બીજાના ભલા કાજે,
થવા નીકળેલા શંકર છો, તમે એ જાણતા ન્હોતા?!

લઈ નીકળી પડ્યા'તા ત્રાજવું ને તોળવા બેઠાં!
તમે પોતે ક્યાં ઈશ્વર છો? તમે એ જાણતા ન્હોતા?!

નવાં ચાળે ચડ્યા શાને? શબદનો સાથ છોડીને;
તમે એનાથી પગભર છો, તમે એ જાણતા ન્હોતા?!

ગઝલ

Rate the content


Originality
Flow
Language
Cover design

Comments

Post

Some text some message..