ગાગર છલકે

ખાલી ખાલી ગાગર છલકે,

સુનું સુનું હૈયું ધડકે.

લાખ કરું કોશીશ તોપણ,

છાનું છાનું એ તો મલકે.

આવે જ્યારે કોઇ ગમતું,

અમથું અમથું કેવું રણકે.

હોય કદી એ જો ખુશ ત્યારે,

ખન ખન જાણે કંગન ખણકે.

નાચે, કૂદે, ન કશું માને,

જોયું આજે કેવું ભટકે.

છાનું છપનું રડવું કેમનું ?

પાંપણમાં બે આંસુ ઝળકે.

પલળે ધરતી, પલળે અંતર,

વરસે બેહદ, ન કદી અટકે.

જોવી રાહ હવે કેમની,

ભીની ઊર્મિ સુકવું તડકે.

કેવી રીતે સમજાવું 'જશ',

ફડફડ કેવું એ તો ફડકે.