જેવો પ્રેમ છે
જેવો પ્રેમ છે
1 min
1.2K
જે પૂરો ના થ્યો કદી વનવાસ જેવો પ્રેમ છે;
આવડ્યો ના જે કદી અભ્યાસ જેવો પ્રેમ છે.
વ્હાલની કાયમ નદી છલકાવી સાગરમાં છતાં,
આંસુઓની બુંદમાં ખારાશ જેવો પ્રેમ છે.
જાય વિતી જ્યાં સદીયા જે સમજતા આ યુગે;
કોઈ મોટો ગ્રંથ ઉપન્યાસ જેવો પ્રેમ છે.
વાસના કેવી પ્રબળ જન્મે હદયમાં એ ખુણે,
પામીને ઝરણાં બુઝે ના પ્યાસ જેવો પ્રેમ છે.
લાગણી ઓઢી ફરે સર્જક હદય પર રોજ જે,
કોઈ ગમતો રેશમી લિબાશ જેવો પ્રેમ છે.