સમયની રીત🌳🌳
સમયની રીત🌳🌳
ડૉ.સત્યમબારોટ
ગાલગાગા ગાલગાગા ગાલગા
જિંદગી ચાલે સમયની રીત પર,.
જ્યાં નથી જીવન તણો પળનોય ડર.
આ સમય એવો બન્યો છે ગુપ્તચર,
જે બધી મનસા ઉપર રાખે નજર.
સાચવ્યો જેણે સમયને છે સુખી,
ને દુ:ખી કરતા નથી એની કદર.
ઘર નથી હોતું સમયનું ક્યાંય પણ,
તે છતાં કણકણ મહીં એનું જ ઘર.
આ સમય સૌની ઘણી રાખે ખબર,
પ્રેમ એનો હોય છે લાલચ વગર.
આપતો પળપળ બધાને ખુશખબર,
માનવું ના માનવું જેની નજર.
જિંદગી હસતી બધાંની રાખવા,
આટલી મોટી સમય ખેડે સફર.