કવિતા એટલે

ધવલગિરિશૃંગ પરથી જાણે કે આવતી કવિતા. 

ઉદધિ ઉતંગે આભ રખેને એ આંબતી કવિતા.

ઉરના ઊંડાણેથી પ્રગટીને પ્રસરતી હશે કવિતા.

શબ્દના સથવારે ક્વચિત્ ધસમસતી એ કવિતા. 

સરિતાવત્ કયારેક કાગળમાં રુમઝૂમતી કવિતા. 

અક્ષરદેહે સત્ય સનાતન કેવું ઉચ્ચરતી કવિતા.

કાળઝાળ લૂ માં પણ વસંતને ટહૂકાવતી કવિતા. 

સાંબેલાધાર કે રીમઝીમ થૈને એ વરસતી કવિતા.

સુજ્ઞજનોની " વાહવાહ" ને હશે ઝીલતી કવિતા.

પરખી કદરદાનને સોળે કળાએ ખીલતી કવિતા.

સઘળે ઇશપ્રેરણા થકી માનવંતી હસતી કવિતા.

બની પરમનો ઉદગાર કવિઉરમાં વસતી કવિતા.