મા

દર્દ મારાં ચાખનારી મા જ છે,

સુખ બધાએ આપનારી મા જ છે.

દર્દ આવે જો જગતના સામટાં,

એ બધાંને કાપનારી મા જ છે.

આફતોમાં બાળકો અટવાય તો,

નાવ થઇને તારનારી મા જ છે.

આંચ આવે ના મને ઊણી કદી,

રોજ બાધા રાખનારી મા જ છે.

કોઇ દી લાગે નજર ના કોઇની,

રોજ એ ટીકો કરનારી મા જ છે.

દર્દ ભૂલી તાપમાં પાલવ સદા,

હેતથી ઓઢાડનારી મા જ છે.

હેત મા નો સ્વર્ગથી છે સો ઘણો,

પ્રેમ એ વરસાવનારી મા જ છે.

પ્રેમ સૌને આપવો ભૂલી બધું,

ભાવ એવા પૂરનારી મા જ છે.