થઈ વધારે
થઈ વધારે
1 min
13.7K
એક ટોળાની વચાળે વાત મારી થઈ વધારે;
ત્યારથી તો ઓળખાતી જાત મારી થઈ વધારે.
આ જગત કાયમ સીતમના ટાંકણાંથી ટોચતું,
એ જ કારણથી આ સુંદર ભાત મારી થઈ વધારે.
એમના સહવાસના દિવસની થઈ બસ એ અસર કે
એમના જાતાની સાથે રાત મારી થઈ વધારી.
એક ગુનો એ થયો કે હાથની આશા ધરી મેં,
છે હવે અંજામ એનો લાત મારી થઈ વધારે.
મેં ફકત 'ગોપાલ' મારા દોસ્ત થોડા જો વધાર્યા;
તો મુસીબત પણ કહે વિસાત મારી થઈ વધારે.