ગૌરવવંતા ગુજરાતી
ગૌરવવંતા ગુજરાતી
હા, અમે છીએ ગૌરવવંતા ગુજરાતી
'ગુજ્જુ'ના હુલામણા નામે જાણીતા !
અમારી ભાષા છે મધમીઠી ગુજરાતી
સરળતા અને સહેલાઈથી લોકો સમજતા !
અમે તો રંગીલા ને મોજીલા ગુજરાતી
રાસ ગરબાની રમઝટ બોલાવતાં !
ખાવાપીવાનાં શોખીન અમે ગુજરાતી
થેપલા, ઢોકળા, ફાફડા થકી ઓળખાતાં !
વ્યાપારમાં અવ્વલ નંબરે અમે ગુજરાતી
દેશ દેશાવરમાં ગુજરાતનો ડંકો વગાડતાં !
ફરવાના શોખીન છીએ અમે ગુજરાતી,
વિશ્વ પ્રવાસની ઝંખના દિલમાં રાખતા !
હા, અમે છીએ ગૌરવવંતા ગુજરાતી !