સ્મિત
સ્મિત
ચહેરાને કહો હવે તો 'સ્મિત' ફેલાવે,
ઉદાસ બની આમ રહેશો ક્યાં સુધી !
તમારું 'સ્મિત' બનશે ખુશીનું કારણ,
ખુશી છુપાવી ચૂપ રહેશો ક્યાં સુધી !
ચહેરાનું 'સ્મિત' વધારે અમ તાજગી,
કઠિન મંજર આમ સહેશો ક્યાં સુધી !
હોઠોને કહો રેલાવે 'સ્મિત' બે ગીત,
મૌનમાં આલાપ બની વહેશો ક્યાં સુધી !
તમારું 'સ્મિત' છે સ્વર્ગથી પણ સુંદર,
આંખોથી દિલની વાત કહેશો ક્યાં સુધી !
'સ્મિત' પ્રીત છે ચાહતની રીત છે,
ચાહતની પરીક્ષા હવે લેશો ક્યાં સુધી !