જિંદગી શુ ઈચ્છે છે ?

કયારેક શબ્દોથી ભરપૂર કલમ,

તો તરત એ કલમનું અટકી જવું,

કયારેક વિચારોના ઘોડાપુર.

તો તરત એ વિચારોનું થંભી જવું,

જિંદગી શુ ઈચ્છે છે ?

કયારેક હકારાત્મક વિચારશરણી,

તો તરત એમાં નકારાત્મકતાનો આભાસ,

કયારેક મનભરીને જીવી લેવાની લાલસા,

તો તરત એ મનને રોકી લેવાની ટેવ,

જિંદગી શુ ઈચ્છે છે ?

કયારેક ખુશીઓના બગીચા,

તો તરત એ બગીચામાં પાનખર,

ક્યારેક મન ખુશીથી પાગલ,

તો કયારેક એ જ પાગલપનથી આવતો કંટાળો,

જિંદગી શુ ઈચ્છે છે ?

કયારેક દિલની એ અઢળક ખુશી,

તો તરત એ ખુશીઓને લાગતી નજર,

કયારેક સપનોના ઘેરાતા એ ઘનઘોર વાદળ,

તો તરત એ વાદળો હટી આવી જતો તીક્ષ્ણ તડકો,

જિંદગી શુ ઈચ્છે છે ?

કયારેક સમયને રોકી લેવાની ઈચ્છા,

તો તરત કઠિન સમય જલ્દી પસાર થાય એવી ઉમ્મીદ,

કયારેક જિંદગીના બધા જ સવાલોનું સમાધાન,

તો તરત એ જિંદગીથી ઘણી બધા સવાલો,

જિંદગી શુ ઈચ્છે છે ?