લાગણીઓ હંફાવે
લાગણીઓ હંફાવે
ડૂમો ભરાય છતાંય, આંખોએ આંસુ ન આવે,
ઘા હોય ગમે તેટલા, મુખેથી જાશું ન આવે,
જીવનમાં લાગણીઓ હંફાવે
સળગી ઉઠે સઘળુંએ, હાથમાં રાખ ન આવે,
મુઆ પછી ઉડવાને, પ્રેમની પાંખ ન આવે,
જીવનમાં લાગણીઓ હંફાવે
ભાળ કાઢવા હાટુ, માનીતી આંખ ન આવે,
ઝંખના એનીજ, પછી ભલેને લાખ ન આવે,
જીવનમાં લાગણીઓ હંફાવે
આશા એવી કે મર્યા પછીય મરણ ન આવે,
અંત સુધી, લાગણીની ખોટનું ભરણ ન આવે,
જીવનમાં લાગણીઓ હંફાવે
ડૂમો ભરાય છતાંય, આંખોએ આંસુ ન આવે,
ઘા હોય ગમે તેટલા, મુખેથી જાશું ન આવે,
જીવનમાં લાગણીઓ હંફાવે